Türklərin tarixi 2: Mərkəzi Asiyanın çöllərindən Avropanın qapılarına

Türkiyənin tanınmış tarixçi və yazıçısı professor İlbər Ortaylı “Türklərin Tarixi 2 – Anadolunun çöllərindən Avropanın içərilərinə” adlı kitabında türklərin Anadolunun çöllərindən başlayıb Avropanın içərilərinə qədər uzanan tarixini mərhələli, təfərrüatlı, hər kəsin başa düşəcəyi şəkildə şərh edib. Mərmərə bölgəsində (Vifiniya) kiçik bir bəylik olaraq yaranıb inkişaf edən və yarandığı ilk illərin üstündən 150 il keçmədən Balkanlarda və Egeydə hakimiyyətini quran, Aralıq dənizi dünyasının son möhtəşəm imperiyası olan Osmanlı-Türk imperiyası Rume lidən başlayan fəthlərindən sonra üç qitəyə yayıldı. Bu kitabda iki torpağın və iki dənizin hökmdarı olan Fateh Sultan Mehmet kimi intibah hökmdarının dünyası ilə türklərin necə böyük bir imperiya qurduğunun şahidi olacaq, türklərin dövlət qurma strategiyası ilə tanış olacaqsınız.