Fransua Rablenin yaradıcılığı, orta əsrlər və renessans dövrü xalq mədəniyyəti

Məşhur rus filosofu, incəsənət nəzəriyyəçisi Mixail Baxtin “Fransua Rablenin yaradıcılığı və Orta əsrlər və Renessans dövrü xalq mədəniyyəti” əsərini 1940-cı ildə tamamlayıb. Amma əsər yalnız 25 ildən sonra nəşr edilib və uzun illər ədəbiyyat haqqında elmin inkişafında təyinedici rol oynayıb. Baxtinin fikrincə, gülüş, insanı gündəlik, ağır həyatdan azad edərək başqa bir məkana köçürməyə qadirdir; həmin məkan – xalq karnavalı utopiyasıdır. Tədqiqatçı müxtəlif gülüş formalarının vahid bir sistemdə – gülüş mədəniyyətində birləşdiyini ehtimal edirdi. Ümumiyyətlə, Mixail Baxtinin Qərb ədəbi ənənəsinin öyrənilməsinə həsr etdiyi kitabları bu günə qədər inqilabı əsərlər olaraq qalır və oxucunun qarşısında yeni dünyanın qapılarını açır.