Sadə yaşamaq sənəti

Məşhur zen-buddist rahibi Şunmyo Masuno əsrlərin müdrikliyinə əsaslanaraq, aydın, praktik, asan qəbul edilən dərslərlə dolu, zen fəlsəfəsinin mahiyyətini açan, müasir həyata tətbiq üsullarını öyrədən möhtəşəm nəşr ortaya qoyub. Siz bu kitabdan xoşbəxt və dinc yaşamağın ən sadə yollarını öyrənəcəksiniz. Mənfi emosiyaları aradan qaldırmaq üçün dərindən nəfəs almağı, düşüncənizi təmizləmək üçün evinizi sahmana salmağı, zehninizi nizamlamaq üçün qapının ağzında ayaqqabılarınızı cütləməyi, bircə çiçək əkib onun böyüməsini izləməyi, daha az narahat olmağı öyrənəcək, nəzarət edə bilməyəcəyiniz hadisələrə görə narahat olmağı dayandıracaqsınız . “Sadə yaşamaq sənəti” kitabı sizə xoşbəxtliyi qeyri-adi təcrübələrdə axtarmağın yanlışlığını öyrədəcək, həyatınızda kiçik dəyişikliklər etməklə zen halına çatmağın mümkünlüyünə inandıracaq. Bu kitab sizə həm də özünüzü tanıdacaq. Nə etdiyinizi, necə düşündüyünüzü, başqaları ilə necə münasibət qurduğunuzu və indiki anı necə qiymətləndirdiyinizi kənar gözlə müşahidə edəcəksiniz.