Qulliverin səyahətləri

Macəra həvəsi ilə yola çıxan Qulliver gəmi qəzası nəticəsində cırtdanlar ölkəsinə düşür. Qonşu dövlətlə müharibə edən liliputstanlılara kömək edir. Məğlub tərəf Qulliveri öldürməyi qərara alır. Qulliver oradan uzaqlaşır, nəhənglər diyarına düşür, hər an əzilmək, siçanlara yem olmaq təhlükəsi ilə üz-üzə qalır. Lakin oradan da qaça bilir. Uçan adaya gəlib çıxanda özünü xilas olmuş zənn edir. Bu adada insanlar qəribə, həyat cansıxıcı, ətrafındakı hər şey tərsinədir. Qulliverin başına gələn maraqlı, qorxulu və qəribə yumorla müşayiət olunan hadisələr sizi hər səhifədə həm əyləndirəcək, həm də düşündürəcək. “Qulliverin səyahətləri” romanı dünya ədəbiyyatının ən gözəl satirik əsərlərindən biridir. Əsər üç yüz il əvvəl yazılmasına baxmayaraq, bu gün də aktualdır.