Ferrarisini Satmış Rahibdən Liderlik Dərsləri

“Ferrarisini satan rahib” bestselleri ilə dünya şöhrəti qazanan müəllif öz kitabının davamını yazır. Oxucuya liderliyin hikmətlərini öyrədir və praktiki təlimat verir. Təşkilatda inam, öhdəlik və etibarı bərpa etməyin yollarını göstərir. O, mübariz şirkət sahibi Piterin uğur hekayətini danışır. Piter tam ümidsiz vaxtında gənc rahiblə rastlaşır. Rahib ona biznesini dəyişmək haqqında məsləhətlər verir. Piter gənc rahibin əslində onun çoxdan yoxa çıxmış dostu olduğunu öyrənəndə məəttəl qalır. O, Hindistan səfərindən yenicə dönüb və uzaqgörən liderliyə dair hikmətləri dostu ilə bölüşməyə hazırdır... Asan istifadə olunan səkkiz mərhələli təlim sizə bir çox bacarıqlar öyrədəcək. Onların içində komanda yaratmaq, gəlirlərin artırılması və effektivliyin sirlərinə yiyələnmək, təzyiq altında da yaradıcı və yenilikçi olmaq, gənc komandanı həvəsləndirmək və inkişaf etdirmək, insanların həyatını pozitivə dəyişmək kimi üstün xüsusiyyətlər vardır.