Dünyamızı tanıyaq - 2

Bu vəsaitin hazırlanmasında əsas məqsəd uşaqlara təbiət hadisələri ilə bağlı ilkin məlumatları vermək, onları ətraflarında olan əşyalarla tanış etmək, balacalara insanın dünyadakı rolunu başa salmaqdır. İstəyimiz odur ki, gələcəyimiz olan körpələrin dünyagörüşü genişlənsin, təbiətdəki elementar hadisələr haqqında təsəvvürləri olsun, ətraf aləmə qayğı ilə münasibət göstərməyin vacibliyini dərk etsinlər. Vəsaitdəki tapşırıqları uşaqlar məktəbəqədər tərbiyə müəssisələrindəki müəllimləri və valideynləri ilə birlikdə yerinə yetirəcəklər. Vəsaitlə məşğul olduqca uşaqların nitq qabiliyyəti formalaşacaq, onların məntiqlə düşünmək imkanları artacaq, müstəqil fikir yürütmək vərdişləri yaranacaq.