Din və psixiatriya

Psixoterapiyaya marağı olan ümumi oxucu kütləsi üçün İrvin D. Yalomdan daha maraqlı bir yazıçı ola bilməz. Aralarında “Nitsşe ağlayanda” romanının da yer aldığı bir çox bədii və qeyri-bədii kitabların müəllifi olan Yalom psixiatr və psixoterapevt olduğu qədər, həm də bacarıqlı hekayə ustasıdır. Heazer C. Liston “Amerika Psixiatriya Birliyi” 2000-ci ildə İrvin Yalomu din və psixiatriyaya verdiyi önəmli töhfələrə görə Oskar Pfister Mükafatı ilə təltif etdi. Bu kitabda Amerika Psixiatriya Birliyinin 2000-ci ilin mart ayında Nyu-Orleansda təşkil etdiyi illik toplantıda Yalomun mükafat alarkən etdiyi çıxışın mətnini oxuyacaqsınız. Bu çıxış “American Journal of Psychotherapy”də də dərc olunub (2002). Mənim terapiya seanslarım araşdırılsa, arasında ölüm, azadlıq, məna və ya ekzistensial təcrid əlaqəli uzun və açıq müzakirələr tapmaq elə də mümkün olmayacaq. Bu cür ekzistensialist “məzmun” terapiyanın bəzi etaplarında (hər etapında yox) sadəcə bəzi xəstələr üçün (hər xəstə üçün yox) özünü qabarıq şəkildə büruzə verə bilər. Hətta, təcrübəli terapevt hər hansı bir məzmunu zorla müzakirə etməyə cəhd etməli deyil; terapiya teoriya məqsədli yox, münasibət məqsədli olmalıdır. Lakin, eyni seansları ekzistensializmə meyldən törəyən xarakteristik prosses cəhətdən araşdırsanız, tamamilə fərqli hekayələrlə qarşılaşarsınız. Ekzistensial mövzulara görə artan həssaslıq psixoterapevt-xəstə münasibətinin təbiətinə dərindən nüfuz edir və hər bir terapiya seansına təsir göstərir. İrvin Yalom