Cinsi sevginin metafizikası

Kişi öz cinsi tələbatını ödədikdən sonra onun sevgisi gözə çarpacaq dərəcədə zəifləyir, bu vaxt demək olar ki, istənilən başqa bir qadın onun üçün artıq yiyələndiyi qadından daha cazibəli olur və o dəyişiklik yanğısı ilə alışıb yanır; qadının sevgisi isə, əksinə, bu andan başlayaraq artmağa başlayır. Bu təbiətin özü üçün qarşıya qoyduğu məqsədin nəticəsidir: Təbiət istənilən canlı növünün qorunub saxlanılmasında və daha çox artıb törəməsində maraqlıdır. Doğrudan da, əgər kişinin sərəncamında yüz qadın olsa, o bir il ərzində çox asanlıqla dünyaya yüz uşaq gətirə bilər; qadınlar isə, əksinə, neçə kişi ilə münasibətdə olmasından asılı olmayaraq, bir il ərzində yalnız bir uşaq dünyaya gətirə bilər (burada əkizləri nəzərə almıram). Buna görə də kişi başqa qadınlara göz yetirib onların arasından öz tələbatını ödəmək üçün yenilərini axtarır, qadın isə bir kişiyə daha güclü bağlanır, çünki bu vaxt təbiət qadını instinktiv olaraq, refleksə uymağa yol qoymadan, doğulacaq körpənin müdafiəsini və yeməyini təmin edəcək şəxsin qayğısına qalmağa sövq edir. Bu səbəbdən də evlilikdə kişinin qadına sadiqliyi süni, qadının kişiyə sadiqliyi isə təbii xarakter daşıyır və beləliklə də, qadının törətdiyi zina, verə biləcəyi obyektiv nəticəyə görə, habelə subyektiv baxımdan yanaşıldıqda da, kişilərin törətdiyi zina ilə müqayisədə özünün qeyri-təbiiliyinə görə daha bağışlanmazdır.