Cəsur oğlanların kitabı

Yenilik etmək, hansısa zirvəni fəth etmək istəyirsiniz, amma buna ürək eləmirsiniz? Onda “Cəsur oğlanlar” kitabı sizə faydalı ola bilər. Bu kitab Azərbaycanın siyasi, mədəni, ədəbi, sənət həyatında inqilabi yenilik etmiş görkəmli şəxsiyyətlərdən bəhs edir. Öz sahəsində yeni yol açmış cəsur insanlar – ilk rəssam, ilk vokal ifaçısı, ilk parlament sədri, ilk cazmen, ilk cərrah... Hansısa zirvəni fəth etmək, yeni yol açmaq həmişə çətin və əzablıdır. Çünki bu, axına qarşı getmək kimidir. Öz sənətlərinin cəngavərləri isə məqsədə doğru gedən yolda heç bir çətinliyə təslim olmadılar, son ana kimi vuruşdular və adlarını tarixə yazmağı bacardılar. Bu kitab uşaqları, yeniyetmələri uğur qazanmağa ruhlandırmaqla yanaşı, həm də xalqımızın görkəmli nümayəndələri haqqında qısa, amma dolğun bilgi verir.