Auşvits qızı

Əsərin müəllifi Tova Fridman bu əsərdə öz həyat hekayəsini yazıb. O ölüm düşərgəsindən sağ çıxan azsaylı uşaqlardan biridir. Alman faşistləri Tovanın valideynlərini Auşvits ölüm düşərgəsinə yollayanda onun 4 yaşı olur. Atasını başqa düşərgəyə göndərirlər. Anası ilə eyni düşərgədə,ayrı-ayrı baraklarda qalırlar. Tova düşərgədən azad olunanda isə artıq onun 6 yaşı vardı. Sonralar atası axtarıb onları tapır, onlar yenidən bir-birinə qovuşurlar. İllər sonra T.Fridman övladları və nəvələri ilə birlikdə həbs düşərgəsinə gedir, orada həyatını itirənlərin ruhlarını yad edirlər. Tova həbs düşərgəsində şahidi olduğu hadisələri, o cümlədən nasistlərin vəhşiliyini bütün dünyaya çatdırmağı öz borcu hesab edir.